මම කව්ද

හොඳයි මගේ අලුත්ම බ්ලොග් එක පටන් ගන්න කලින් මම හිතුවා මම කව්ද කියලා ඔයාලාට හඳුන්වලා දෙන්න. මම ගැන පෞද්ගලික තොරතුරු නම් කිව්වාට වැඩක් නෑ ඒ නිසා හැමොම දන්න විදිහට මගේ ගැන පැහැදිලි කරලා දෙන්නම් මගේ නම Area Master ඒත් හැමෝම මම ගැන දන්නේ රත්තරං උකුස්සා කියලා කිව්වාම. මම ඉස්සෙල්ලාම Internet එකට අත්පොත් තියන්නේ 2013 මුල වගේ. හැබැයි මම ඉස්සෙල්ලාම පරිගණකයක් අල්ලන්නේ 2004 වගේ ඒක Pentium III පරිගණකයක් වැඩකලේ Windows 98 මෙහෙයුම් පද්ධතිය. හැබැයි මම 2008 වගේ වෙනකම්ම කැඩෙනකම්ම ඒක පාවිච්චි කළා. ඊට පස්සේ මට පරිගණකයක් හම්බෙන්නේ 2013 ඒක Pentium IV පරිගණකයක් ඒකේ වැඩ කළේ Windows Xp මෙහෙයුම් පද්දධතිය. අන්න ඒ පරිගණකයෙන් තමයි ඉස්සෙල්ලාම Internet එකට පිවිසෙන්නේ.

ඉස්සෙල්ලාම මම පාවිච්චි කළේ Google Search Engine එක. ඊට පස්සේ ඉතින් Facebook තමයි. මට ඉස්සෙල්ලා Hacking ගැන දැනගන්න පුළුවන් වෙන්නෙත් Facebook හරහාම තමයි. ඒ වගේම Website හදන විදිහ වගේම HTML/CSS සහ PHP වලට අත්පොත් තියන්නෙත් මේ කාලෙදීම තමයි. මොකද මට මේ පැත්ත පිළිබඳව දැඩි ආශාවක් කැමැත්තක් ආවා. ඉතින් මම ඉස්සෙල්ලාම පොඩියට වෙබ්සයිට් එකක් හැදුවා ඒක ඉතින් අති කෝඩ් කරලා හදපු එකක් නෙවෙයි. Simplesite කියන වෙබ්අඩවියේ Website Builder එකක් පාවිච්චි කරලා Simplesite කියන එකේම Sub Domain එකක් යටතේ තමයි හැදුවේ. පස්සේ ඒක ටික කාලයක් තමයි Free දුන්නේ ඉතින් මේ දවස් වෙනකොට පොඩි පොඩි Batch Programs එහෙම ලියන්න පුළුවන්කම තිබ්බ නිසා මම හදපු Batch Programs ගැන එහෙම විස්තර දාලා තව වෙබ්සයිට් එකක් හැදුවා ඒක හැදුවේ Webs කියන වෙබ්අඩවියේ Website Builder එක පාවිච්චි කරලා. ඒක නම් තාමත් තියෙනවා ඒත් Update වෙන්නේ නෑ දැන්. ඒක නවත්තන්නත් හේතුව උනේ ටික කාලයක් යද්දී සමහර Features Free දෙන එක නවත්තපු නිසා. පස්සේ හැමෝම දන්න විදිහට ක්‍රියාකාරී විදිහට ඒ කියන්නේ Area Master විදිහට එලියට එන්නේ මම Blogger වලින් හදපු Black PC Tricks කියන Blog එකෙන්. ඒකෙන් අලුත් අලුත් Software ගැන වගේම Software Cracks & Patches එහෙමත් දුන්නා. ඒ විතරක් නෙවෙයි. Hacking & Viruses ගැනත් තොරතුරු ගෙනාවා. ඒ කාලෙදීම වගේ Facebook එකෙන් මට අරුම පුදුම යාළුවෙක් හම්බුනා මගේ Internet එකේ ඉන්න හොඳම යාළුවෝ තුන් දෙනාගෙන් පළවෙනියටම හම්බෙන්නේ මෙයාව. මෙයාට මම විහිළුවට කියන්නේ පූසා කියලා එයා මට කියන්නේ මැටි උකුස්සා කියලා. අද වෙනකම් අපි දෙන්නාගේ යාළුකම වෙනසක් නැතුව තියෙනවා.

පස්සේ දී 2014 අන්තිම වගේ වෙනකොට Forums ගැන දැනගන්න ලැබුනා. පස්සේ මම Thaksalava කියලා තිබ්බ Forum එකේ Register උනා. ඒකෙන් පස්සේ Ekathuwa කියන ෆෝරමය ගැනත් දැනගන්න ලැබුනා පස්සේ එකෙත් Register උනා. අන්න එකෙදී තමයි මගේ ජීවිතය වෙනස් කරපු යාළුවෝ තුන් දෙනාගෙන් දෙවනියාව හම්බෙන්නේ. එයාගේ නම් Elite_x එයායි මායි තමයි අපේ ඉස්සෙල්ලාම Forum එක හදන්නේ. ඒක හැදුවෙත් Free Forum Hosting එකක. ඒකේ නම තමයි Area 51 Hackers ඒත් ටික දවසක් යද්දී කට්ටිය වැඩි වෙන්න වැඩි වෙන්න Forum එක ඩවුන් වෙන්න ගත්ත නිසා වෙනම Free Hosting එකක අලුත් Forum එකක් Host කලා ඒකේ නම් මම කියන්නේ යන්නේ නෑ. ඒක Host කළේ .ml Domain එකකින් පස්සේ ඒ Forum එකටත් කලින් එකට උනා වගේ ටික දවසක් යද්දී ඩවුන් වෙන්න ගත්තා. මේ කාලේ DDOS ප්‍රහාරවලිනුත් අම්බානෙකට පදන් උනා. මොකද ලංකාවේ උන් තව එකෙක් උඩට යනවාට කැමති නෑනේ අන්න ඒකයි. පස්සේ මම අර කලින් කිව්ව මගේ පළවෙනි යාළුවා ඒ කියන්නේ පූසා සල්ලී දාලා Hosting එකකුයි .com Domain එකකුයි අරගෙන දුන්නා. පස්සේ හොඳ DDOS Protection එකකුත් එක්ක කලින් .ml Domain එකේ හදපු Forum එකම අයේ ගොඩගත්තා. ඊට පස්සේ මට මගේ තුන්වෙනි යාළුවාත් හම්බෙනවා එයාගේ නමත් මම කියන්නේ නෑ. එයාව මට හම්බෙන්නේ මගේ පළවෙනි යාළුවා පූසා නිසා. ඉතින් අපි තුන් දෙනා අවුරුද්දකට කිට්ටුවෙන්න ඒ කියන්නේ 2016 අගෝස්තු වගේ වෙනකම්ම අපේ මේ Forum එක කරගෙන ගියා. ඒත් නොහිතපු දෙයක් සිදු උන නිසා අපිට Forum එක වහන්න උනා. පස්සේ මාත් කාලයක් යනකම් Area Master විදිහට එළියට ආවේ නෑ. පස්සේ මට කලින් ෆෝරම් එකකදී හමුඋන යාළුවෙක්ගේ මූල්‍ය අනුග්‍රහය මත තවත් ෆෝරමයක් පටන් ගත්තා. ඒත් මගේ Area Master කියන නමින් එලියට ආවේ නෑ. හැබැයි ඉතාමත් ශෝක ජනක ලෙස මේ පෝස්ට් එක ලියන මොහොත වෙනකොට එනම් 2017 සැප්තැම්බර් 13 වෙනිදා වෙනකොට ඒ Forum එකත් වසා දැමීමට සිදුවී තිබෙනවා.

කොහොම හරි Forum වලට ආවාට පස්සේ අමතක කරපු Blog කලාවට අයෙමත් පය තියන්න ඕනි කියලා හිතුනා. අන්න ඒ නිසා තමයි මේ Blog එක ඔයාලාට ගෙන එන්නේ. මේකෙදී මම මගේ පරණ Area Master නමින්ම එන්න තීරණය කලා. ඉතින් ඉස්සරාහට ඔයාලාට මගේ අතින් ලියවෙන අලුත්ම පෝස්ට් ගොඩාක් දැකගන්න පුළුවන් වෙයි. ඔයාලාගේ ආසම මාතෘකා යටතේ තමයි ඒ පෝස්ට් ඔක්කෝම ලියවෙන්නේ.

මම මේ ආපු ගමන් මඟ පුරාවට වෛවාරන මිතුරෝ හතුරෝ කපටියෝ ඕනි තරම් මුනගැහිලා තියෙනවා. ඒයාලාව මතක් නොකලාට මට හැමදාටමත් එයාලාව මතකයි. මගේ ජීවිතේ මේ විදිහට තියෙන්නේ අන්න එයාලා නිසා මම ලබපු අත්දැකීම් නිසාමයි. ඒත් එදා වගේම අදටත් මාත් එක්ක කිසි වෙනසක් නැතුව මගේ හොඳම යාළුවො තුන්දෙනා එකාවගේ ඉන්නවා. ඒ විතරක් නෙවෙයි එයාලාගෙනුත් මගේ සහෝදරයෙක් වගේ ඉන්න Elite_x තමයි මාව ආපහු මගේ පරණ තත්ත්වයට ගෙනාවේ. ඒකටත් මම එයාට ගොඩාක් ස්තූතිවන්ත වෙනවා.

එහෙනම් ඉතින් මගේ පළවෙනි පොස්ට් එකෙන් හමුවෙනකම් හැමෝටම ජය ශ්‍රී !